Bandu Eventos de Nadale 2022 - domandas finas a mesudie (h 12,00) de su 30 de santandria 2022

Image: 

 

 

Est istadu publicadu unu bandu pro cuntzèdere contributos pro agiudare sa realizatzione de su programma Eventi natalizi 2022”.

CHIE PODET PARTETZIPARE

  • fundatziones istituidas cun s’iscopu de promòvere s’isvilupu tecnològicu e s'alta formatzione tecnològica;
  • is entes e is assòtzios chi òperant in su campu de is servìtzios sòtziu-assistentziales e de is benes e atividades culturales, de s’istrutzione e de sa formatzione;
  • assòtzios de promotzione sotziale, lege 7 de nadale de su 2000, n. 383;
  • entes de voluntariadu, lege 11 de austu de su 1991, n. 266;
  • organizatziones non guvernativas, lege 26 de freàrgiu 1987, n. 49;
  • cooperativas sotziales, lege 8 de santandria 1991, n. 381;
  • assòtzios isportivos diletantìsticos, art. 90 de sa lege 27 de nadale de su 2002, n. 289;
  • assòtzios rapresentativos, de coordinamentu o de suportu de is entes territoriales e locales.

S’istatutu de is sugetos partetzipantes devet prevìdere intre is iscopos sotziales su faghimentu de is atividades  naradas in su bandu, o assimigiantes, pena s’esclusione.

COMENTE PRESENTARE SA DOMANDA

Is domandas de contributu devent arribare a su Comune de Crabas, Pratza Eleonora n. 1 – 09072 Crabas, in intro de mesudie (h 12,00) de mèrcuris 30 de santandria 2022, segundu una de is modalidades chi sighint:

- in busta serrada a s’Ufìtziu Protocollo de su Comune de Crabas (inditare custa iscritzione: “Eventi natalizi  2022”);

- cun sa posta, in custu casu no at a fàghere fide su timbru de partèntzia (inditare custa iscritzione: “Eventi natalizi 2022”);

- cun sa PEC a s’indiritzu protocollo@pec.comune.cabras.or.it. In casu de PEC sa domanda devet èssere firmada dae s’oferente cun firma digitale o firma eletrònica cualificada, o puru, a is sensos de s’art. 38, comma 3, de su D.P.R. n. 445/2000, cheret trasmìtida una còpia pro immàgine de sa domanda firmada dae s’interessadu paris cun una còpia pro immàgine de su documentu de identidade de su matessi. S’ogetu de sa PEC devet inditare: “Eventi natalizi 2022.

PRO INFORMATZIONES

Pro informatziones si podet cuntatare sa Dr.a  M. Sofia Pippia - affari.generali@comune.cabras.or.it

(M.G.S.)

 

Tipo di notizia: 
bandi